Matseðillinn 2019

Matseðillinn 2019

Yfirkokkur Fiskidagsins mikla Friðrik V. ásamt stjórn hátíðarinnar hafa unnið að nýjum matseðli fyrir árið 2019 og hann er virkilega spennandi og fjölbreyttur. Það ætti enginn að missa af því að dvelja á hafnarsvæðinu á Dalvík yfir Fiskidaginn mikla og njóta fjölbreyttra rétta. M.a þess sem er nýtt í ár, eru djúpsteiktar gellur, þorskur í karamellu mangósósu, bleikja taandoori, bleikja í Pang Gang marineringu. Sushi Corner frá Akureyri sem voru nýjir í fyrra koma aftur. Grímur kokkur og Moorthy í Indain Curry mæta aftur eftir árshlé og Grímur fer aftur til byrjunarinnar sem mun gleðja marga en hann mun mæta með plokkfiskinn góða og ostafylltar fiskibollur. Að sjálfsögðu verður allt hitt gamla og góða á seðlinum, saltfiskpizzan sem er annan hvern Fiskidag verður ekki í ár en verður að sjálfsögðu á 20 ára afmæli Fiskidagsins mikla 2020.

 

Matseðillinn í tölum

Tölulegar staðreyndur um matseðilinn á Fiskidaginn mikla. 1200 lítra súpupottur, um 10 tonn af fiski, 8000 lítrar af drykkjum, 50.000 servíettur, 300 sjálfboðaliðar, 8 metra langt grill með 20 brennurum, og pizzan sem er annaðhvert ár 120 “ hver pizza og sett inn í ofn með gaffallyftara í hverri pizzu eru 640 sneiðar og milli kl 11 og 17 náum við að baka tæplega 20 stk. Yfir daginn eru þetta á milli 130.000 matarskammtar. Í boði í ár er Grillaður þorskur og bleikja, Sushi, Fish and Chips, Sasimi, rækjusalat, filsur, fiskborgari, rækjur í skelinni, ostafylltar fiskibollur, léttsaltaðar gellur,  fiskisúpa, plokkfiskur, síld, grafin bleikja, Indversk bleikja, reyktur lax og harðfiskur. Að auki kaffi, ís, drykkir, brauð og sælgæti.