Flugeldasýningin 2018

Sýningin er í boði Samherja og það verður ekkert gefið eftir og menn klárir í að gera betur en á síðasta ári. Snillingarnir í björgunarsveitinni á Dalvík eru fyrir löngu byrjaðir að undirbúa ROSALEGA sýningu. Flugeldasýningin verður að venju að kvöldi Fiskidagsins mikla strax eftir tónleikana. Líkt og áður mun björgunarsveitin á Dalvík sjá um uppsetningu og alla vinnu í kring um  þetta stóra verkefni. Sýningarnar á Fiskidaginn mikla hafa tekist vel og þótt afar vel uppsettar. Björgunarsveitin á Dalvík hefur á að skipa einstaklega hæfu og lærðu fólki á þessu sviði.